Насловна / Вести / Супербрз превоз хиперлуп и во Италија

Супербрз превоз хиперлуп и во Италија

Новите начини на транспорт носат и нова возбуда. Хиперлупите станаа реалност и веќе се најавени многу проекти низ целиот свет. Тие се дизајнирани да ја подобрат врската и побрзиот превоз од едно до друго место. Таков одржлив транспортен систем може да се очекува наскоро во ОАЕ и Мексико каде што беа презентирани проекти во претходните години. Дека многу земји се заинтересирани за потфати од ваков вид, покажуваат и најновите вести што доаѓаат од Италија.

Транспортот со цевководи може да го забрза и олесни транспортот на луѓе од Милано до аеродромот и со тоа да го скрати времето на патување од 40 на само 10 минути. Тука има голема фреквенција на патници, што би ги ослободило постојните патишта. Оваа локација е само една во низата каде Hyperloop Italia во соработка со ZHA (Zaha Hadid Architects) планира проекти за хиперлуп транспортна инфраструктура. Сепак, не е прецизирано дали ZHA ќе биде надлежен за дизајнирање на целата поширока инфраструктура или ќе бидат вклучени возила, станици итн. затоа што сè е сè уште во рана фаза. Исто така е непознато кога ќе почне реализацијата.

Hiperlup

Секако е најавено дека хиперлупот ќе вклучува две цевки со низок притисок што ќе се движат со магнетно лебдечки капсули за товар и патници долги 20 метри со дијаметар од 2,7 метри. Ќе се движи со брзина до 1.223 километри на час. Проектот е одржлив и ќе користи обновливи извори на енергија. Ќе генерира соларна енергија и со помош на технологија за регенеративно сопирање, ќе произведува повеќе енергија отколку што е потребно. Покрај тоа, рециклирани материјали ќе се користат за изградба на придружната инфраструктура и станици.

Комбинирање на трансформативната архитектура, инженерството и урбанистичкото планирање со најефикасната и одржлива форма на транспорт може да има корист само за заедницата и за животната средина. Ваквиот транспортен систем значително ќе ги подобри пристапноста и поврзаноста меѓу градовите. Со вклучување на иновации во дизајнот, оперативните технологии, но исто така и преку употреба на еколошки материјали, ќе биде можно да се извршат проекти што се просторно инвентивни, конструктивно ефикасни и одржливи.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top