Насловна / Архитектура / Деловна зграда инспирирана од турски пештери

Деловна зграда инспирирана од турски пештери

Енергетски ефикасната деловна зграда планирана за Истанбул е секако во духот на локацијата каде што ќе се наоѓа, бидејќи изгледа како турска пештера. Невообичаените карпи на Кападокија биле инспирација. Оваа висококатница со пријатна надворешност ќе се искачи на висина од 60 метри. Зградата, во форма на голема карпа покриена со зеленило, има за цел да им обезбеди на вработените попријатна работна атмосфера и секако е поинтересно место во споредба со стандардните деловни објекти, кои се претежно со стаклена фасада. Идејата е да се вклопи зградата во животната средина со својата форма.

pestera

Проектот за зградата што ќе стане седиште на турската компанија за производство Санко го направи архитектонската фирма PMJM од Милано. Објектот ќе има одржлив дизајн кој ќе вклучува инсталација на соларни панели за генерирање на системи за собирање енергија и дождовница. Фокусот ќе биде на природната вентилација за да се намали потребата за климатизација што ќе се обезбеди преку зеленилото одвнатре и надвор од зградата.

pestera1

Во внатрешноста на зградата ќе има деловен простор – канцеларии, простории за состаноци и конференциски сали, но исто така и сала и ресторан на долните катови, кои ќе бидат распоредени околу централниот атриум. Централната преграда ќе се протега од основата до покривот за да се овозможи влегување на светлината. Атриумот ќе биде исполнет со зеленило – во основата ќе има грмушки и дрвенести растенија, додека оние со низок раст ќе бидат засадени на секој кат, кои убаво се вклопуваат „долу“ низ ѕидовите. На секој кат ќе има различни растителни видови, што ќе придонесе за подобар воздух во просторот. Зеленилото однадвор ќе ја направи внатрешноста на зградата поладна и ќе овозможи помала употреба на климатизери. Максимизирање на дневната светлина и природната вентилација ќе бидат загарантирани на овој начин.

pestera2

Покрај ова, соларните панели исто така ќе придонесат за енергетска ефикасност. Сè уште не е прецизирано колку панели ќе бидат инсталирани, но тие сигурно ќе придонесат значително за намалување на употребата на енергија од мрежата. Водата добиена од системот за собирање на дождовница и нејзината повторна употреба преку рециклирање ќе се искористи за наводнување на зеленилото и испирање на тоалети.

pestera3

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top