Siemens испорачува возови без возачи за метрото во Сиднеј

Германскиот конгломерат Siemens ќе ја снабди австралиската метропола Сиднеј по системот „клуч на рака“ со возов за метрото со кои нема да управуваат возачи. Новата линија ќе го поврзува квартот St. Marys, со новиот меѓународен аеродром Western Sydney. За 900 милиони евра, Siemens ќе испорача 12 автоматизирани возови, сигнална технологија, како и интеграција на системот и негово пуштање во погон. Исто така, обезбедено е и одржување на возовите во следните 15 години. Во 2022 година, групата Siemens Mobility Business остварила 9,7 милијарди евра приходи од продажба и вработувала 38.000 луѓе.