Норвешка воведува ограничувања на извозот на електрична енергија

Норвешка подготвува правна рамка за ограничување на извозот на електрична енергија во случаите на ниски ноивоа во хидроакумулациите. Постои и мала можност з арестрикции во снабдувањето, но само за компаниите, рекол министерот за нафта и енергетика Terje Aasland. Операторите на хидроелектраните во координација со владата веќе го ограничиле производството заради заштед на вода, но прописите во разработка ќе го ограничат и извозот на електрична енергија.

Со оглед дека Европската унија се обидува да с еослободи од зависноста од руските фосилни горива, некои од земјите членки сметаат на Норвешка, која би им го надоместила недостатокот, но капацитетите се ограничени.  Сушата е идентификувана како еден од најсериозните фактори.  Од друга страна извесно е дека кризата со енергенти во Европа нема скоро да биде надмината, а климатските промени ја принудуваат Норвешка претпазливо да управува со хидропотенцијалот. Министерот потсетил и на енергетските врски со Шведска, Данска, Германија, Велика Британија, Финска и Холандија. Консултантската куќа Cornwall Insight претпоставува дека трошоците за струја и гас з адомаќинствата во Велика Британија во октомври ќе се зголемат за 70%. Островот е поврзан со Норвешка со подморски енергетски кабел со моќност од 1400MW, и повлекува енергија во случај кога ќе се појави недостаток во производството на британските ветерни електрани. Се разбира, новите околности во Норвешка, ќе влијаат и на ситуацијата во земјите со кои таа е енергетски поврзана.