Насловна / Вести / Како изгледа новата лимузина на Путин

Како изгледа новата лимузина на Путин

Цивилната верзија на претседателската лимузина на Владимир Путин стигна во производството на Аурус, производен погон во Русија и наскоро ќе се најде на улиците, каде што ќе биде совршен ривал за Ролс Ројс и Бентли…

1_resize

Новиот руски луксузен бренд кој го предводи „Государственного автомобильного и автомоторного научного центра“ познат како НАМИ основан е во 2013 година по инструкции на претседателот Путин, за да се промовира локализација и намалување на потпирањето на западните брендови. Аурус во текот на 2019 година претстави два луксизни седана на саемот за автомобили во Женева, Geneva Motor Show, наречени Senat S600 и Senat Limousine L700. Возилата се изведени директно од претседателската лимузина на Путин, која дебитираше за време на неговата инаугурација во 2018 година.

2_resize

И двата модели се конструирани на Унифицираната модуларна платформа која заедно ја развија Аурус и НАМИ. Senat Limousin го движи 4,4-литарски V8 мотор, развиен од НАМИ во соработка со Porsche. V8 добива помош и во форма на електричен мотор, и заедно исфрлаат 590 коњски сили. Моторот е спарен со деветстепен менувач, кој ја насочува силата кон сите четири тркала. Компанијата тврди дека овој модел може да забрза од нула до сто километри на час за помалку од шест секунди, а ако тоа ви изгледа бавно, знајте дека Аурус планира да додаде 6,6-литарска V12 опција со 848 коњски сили како дел од понудата.

3_resize

Кога станува збор за дизајнот, близнаците Аурус Сенат неодоливо потсетуваат на модерните модели на Ролс Ројс. Масивната предна решетка со хромирани завршни детали, дизајнот и положбата на предните светла, на прв поглед наведуваат на помисла на Ролс Ројс. Импресивен е и ентериерот на кабината.

6_resize

Седиштата може да се навалат под агол од четириесет и пет степени и се опремени со дизајнерски перници. Покрај тоа, во внатрешноста на кабината има вграден фрижидер со брендирани кристални чаши Аурус и модуларни маси со кожни детали. Според Ројтерс, оваа година компанијата ќе конструира 200-300 автомобили, а моделите на Сенат ќе бидат достапни за купување со почетна цена од 18 милиони рубли, или 245 000 американски долари.

7_resize

8_resize

5_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top