Два нови звучника Bang & Olufsen кои ги поместуваат границите на звукот и дизајнот

Bang & Olufsen со задоволство ја претставува новата генерација на Beosound A9 и Beosound 2.

Покрај тоа што се достапни во нови бои Black Anthracite, Gold Tone и Natural, овие два звучника сега се приклучуваат на палетата производи на Bang & Olufsen кои се дизајнирани за иднината и работат на прочуената „Mozart“ софтверска платформа.

„Денес го славиме фактот дека ја осигуравме иднината за два модела кои спаѓаат во нашите најпопуларни производи“, вели потпретседателот за маркетинг на производи на Bang & Olufsen, Мајкл Хенриксон. „Покрај нашата посветеност да создаваме квалитетни производи кои траат, сакаме да понудиме безвременски дизајн кој со децении ќе ги фасцинира луѓето и ќе прави горди сопственици“.

Срцето на Bang & Olufsen „Mozart“ платформата е заменлив модул кој има доволно процесорска моќ да ги поддржи надградбите на софтверот и новите функции во годините што доаѓаат. Доколку начинот на поврзување и технологијата за стриминг во меѓувреме станат застарени, модулот може да биде заменет со најнова верзија со што се осигурува врвно аудио искуство во наредните децении.

Beosound A9 петта генерација

Beosound A9 е еден вид симбол на безвременскиот дизајн на современите производи на Bang & Olufsen. Првично лансиран во 2012 година, познатиот дизајн со кружна форма, чиј творец е Oivind Slaatto, и понатаму е вистинска авангарда. Beosound A9 го исполнува просторот со богат и моќен звук, а во исто време се вклопува во сите стилови на ентериер. Петтата генерација ги задржува оригиналните карактеристики што го направија производот успешен уште пред десет години и им додава значителни унапредувања. Во понуда е нова палета на бои: Black Anthracite, Gold Tone и Natural Aluminum.

Позадината одлично се вклопува со предниот дел на звучникот, па заедно со ногарки од даб и алуминиумските елементи се добива најдоброто естетско искуство досега. Покрај стандардните маски, Beosound A9 може да се приспособи за да одговара дури и со најеклектичниот ентериер, а и е исто толку интригантен од естетска перспектива, колку што е лесен за употреба. Може да се контролира јачината на звукот со лизгање на раката преку површината на уредот, а со едноставен допир на A9 може да се пушти и паузира слушање или да се прескокне нумера. Со „Mozart“ софтверскиот модул, петтата генерација на Beosound A9 е целосно подготвена за иднината, со подобри опции за поврзување, компатибилност и нови функции што ќе бидат имплементирани во наредните години.

Beosound 2 трета генерација

Постојан член на Bang & Olufsen портфолиото, Beosound 2 е моќен звучник кој спојува единствена естетика од висок калибар со неповторлив звук. Лансиран во 2016 година и сега во трета верзија, Beosound 2 е усовршен за да ги задоволи новите стандарди за звук на Bang & Olufsen, притоа задржувајќи го својот култен дизајн. Изработен од висококвалитетен алуминиум, материјал кој стана синоним за Bang & Olufsen, лесно препознатливиот конусен облик на звучникот Beosound 2 привлекува внимание каде и да е поставен. Исто како и кај Beosound A9, еден од главните новитети на Beosound 2 е „Mozart“ софтверската платформа, со што на ненадминливиот дизајн на овој производ се додава и софтверска долговечност, како и совршена интеграција на звучниците во секој луксузен ентериер. Атрактивната Black Anthracite боја се придружува на стандардната палета на бои – Gold Tone и Natural. Завршната обработка е поврзана со подобрен кориснички интерфејс заради едноставност на употреба, како и со додатокот Active Room Compensation, со помош на кој Beosound 2 може да ја детектира својата положба во просторот и да ја прилагоди дистрибуцијата на звукот за максимално уживање во слушањето.

За сите оние кои сакаат подобро да го запознаат брендот или производите, посетете ја официјалната веб-страница на Bang & Olufsen.