Насловна / Архитектура / Згради со футуристички изглед во коцкаста населба

Згради со футуристички изглед во коцкаста населба

Студиото на познатата Заха Хадид го освои првото место на конкурсот за нов објект во Шенжен за компанијата ОППО која произведува телефони.

zgradi

Спектакуларната зграда е дизајнирана како заедница на четири меѓусебно поврзани кули, достигнувајќи висина од 200 метри, а на преку 42 спрата се организирани 185 илјади квадратни метри простор. И овој објект на ZHA е целосно аморфен и со футуристички изглед, доведувајќи живост во прилично коцкастата населба.

zgradi1

Иако кулите се криви, тоа не значи дека просторот внатре не е добро организиран. Првите две кули имаат флексибилен простор со отворена форма и се поврзани со вертикално лоби што се протега на дваесет ката. Другите две кули се со поформален карактер и имаат исклучиво вертикално генерирана циркулација.

Покрај канцеларискиот простор, во новиот комплекс OPPO ќе има и јавна површина на отворено, како и ресторан, галерија и продажни места, а објектот ќе има и директна врска со блиската метро станица.

zgradi2

Објектот ќе биде достапен и за граѓаните за најразлични активности, така што на самиот врв ќе можат да уживаат во погледот на динамичниот Шенжен.

Изобилството на природна светлина што ќе навлезе во внатрешноста на зградата, како и разновидната работна околина и патеките за пешачење и за вработените и за посетителите, треба да имаат корист од создавање креативна атмосфера и спонтаност.

zgradi3

Големиот атриумски простор треба да ја зајакне визуелната врска, а со тоа и практичната соработка меѓу различните оддели на компанијата, пишува Designboom.

Новата канцеларија на OPPO е дизајнирана да ги исполни целите на LEED, што го прави многу одржлив објект.

Отворањето на овие футуристички, аморфни кули е предвидено за 2025 година.

zgradi4

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top