Насловна / Архитектура / Зелена коцка втопена во пејзажот на швајцарско езеро

Зелена коцка втопена во пејзажот на швајцарско езеро

Компанијата Philip Morris International (PMI) го изгради својот научно-истражувачки центар во швајцарскиот град Нојшател, на самиот брегот, во форма на коцка. Носи соодветно име – Le Cube, и како што велат, претставува не само визуелна атракција, туку во своето време (2010) претставувала најнапредна научна одржлива зграда во светот.

4_resize

Начинот на кој Burckhardt+Partner учествувале на конкурсот за Le Cube и го освоиле првото место, е да се искористи енергијата максимално, но во исто време да се добие архитектура која црпи инспирација од локацијата.

2_resize

За почеток, урбанистичката поставеност: извонредната позадина во која се наоѓа кампусот Philip Morris International R&D, позицијата на првата линија на брегот, делува импресивно – веднаш од терасата практично „влегува во вода“.

Едноставната, уредна и елегантна геометрија се истакнува како симбол на корпоративниот имиџ. Ништо не е оставено на случајноста, па посебно внимание е посветено на погледот на објектот од станбената населба кој се наоѓа на блискиот рид.

6_resize

Кровот е мешавина од површини за да се подели неговото проширување на алтернативен систем од стакло и зелена боја. Перцепцијата на покривот како „петта фасада“ е замислена преку спојот на огледалото на зелената водена површина и зеленото, вистинското стакло на кровот.

Burckhardt+Partner искористиле нов пристап кон традиционалниот систем на проектирање на крилата на зградите со „фрагментирање и извлекување на некои волумени од основната рамка на паралелепипедот, што резултира со специфична геометрија која содржи голем број различни простори“, велат авторите.

02_resize

Архитектите наведуваат и дека со овој едноставен пристап сакале да внесат живот во зградата, а објектот да добие цел лавиринт за комуникација, па така кружењето низ објектот да стане своевидно „искуство“.

5_resize

Трите крила на зградата ги дефинираат лабораториите, канцелариите и просторот за испорака. Помеѓу овие крила, големите атриуми нудат простори со спектакуларен поглед на езерото од различните нивоа на мостовите што ги преминуваат.

1_resize

Приземјето на атриумот е замислено како тутунска градина. Проектирани како специјализирани ботанички градини, тутунските градини им нудат на посетителите дидактичка обиколка на различните видови растенија тутун. Мостовите кои се вкрстуваат меѓу крилата не се користат само како средства за циркулација, туку и како простори за комуникација.

01_resize

Сè на сè, PMI не само што се потрудил да се оддалечи од „тутунските корени“ на својата индустрија, туку вложи и многу напор во својот корпоративен имиџ со оваа зграда, која во последните години го привлече вниманието на не само архитектите, туку и на туристите кои шетаат долж шеталиштето на некогаш многу посетуваното езеро Нојшател.

0_resize

04_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top