Во 2022 година стартува изградбата на најголемиот ветерен парк на јужната хемисфера

Ветерниот парк Golden Plains ќе се простира на 168 квадратни километри и проценето е дека ќе овозможи намалување на емисијата на јаглерод диоксид за 4,8 милиони тони годишно. Според проектот кој веќе има добиено конечна планска дозвола, максималната височина на ветерните турбини е 230 метри, со пречник на роторот 165 метри. Локацијата на ветерниот парк е Rokewood, кој се наоѓа 130 километри западно од Мелбурн. Почетокот на изградбата е најавен за првата половина на 2022 година, и ќе биде тоа најголемиот ветерен парк на јужната хемисфера. Конечното одобрување доаѓа по долга правна борба со локалните фармери, кои барале да има 185 турбини и се противеле на големината на ветерниот парк. На крајот, нивните барања се усвоени, што довело и до издавање на дозволата.  Инсталираната моќност на централата е 1000MW.