„Светлината на Кина“, најголемиот павилјон на Експо Дубаи 2020

Еден од најголемите павилјони на Експо Дубаи 2020 секако дека е Кинескиот павилјон кој се простира на површина од 4.636 квадратни метри. Именуван како „Светлината на Кина“, и неговиот архитектонски дизајн има длабоко значење. Традиционални кинески архитектонски елементи како загради и цветни панели се интегрирани во изградбата на главната зграда, која изгледа како величествен кинески фенер.

Павилјонот ги прикажува најновите достигнувања на Кина во областа на информатичката технологија, современ транспорт, вештачка интелигенција, паметно живеење и истражување на вселената.

Меѓу најзначајните карактеристики на Кинескиот павилјон се експонатите за BeiDou сателитскиот систем за навигација, брзата железницата, нов концепт на автомобил со автоматски пилот, роботите и светлосното шоу навечер.

Кинескиот павилјон ги прикажува извонредните достигнувања на земјата, како и големата кинеска култура, помагајќи му на светот подобро да ја запознае оваа земја.

На Експо 2020, 26 региони на покраинско ниво и повеќе од 40 водечки кинески компании ќе одржат изложби, форуми и други активности преку онлајн и офлајн канали. Бројот на кинески компании кои учествуваат на Експо 2020 Дубаи го надминува бројот на сите други претходни светски изложби што се одржани надвор од Кина.

Zhang Shenfeng, потпретседател на CCPIT е генерален комесар на кинескиот павилјон на Експо 2020 Дубаи. Како управувачка организација за учеството на Кина, CCPIT го презеде водството заедно со повеќе кинески ресорни министерства и технолошки институти. Организациониот комитет исто така има специјализиран совет, во кој  He Jingtang, главен архитект на Кинескиот павилјон на Експо 2010 Шангај, член на Кинеската академија за инженерство, беше назначен за консултант за проектот, а Sha Xiaolan, потпретседател на Кинескиот институт за сцена и дизајн, главен дизајнер за осветлување на церемонијата на отворање и затворање на 29 -те Олимписки игри, беше назначен за генерален консултант за уметност.

За време на настанот, Panda Robot и Walker X во сопственост на UBTECH, големите хуманоидни роботи за услуги, го имаа својот официјален настап во Кинескиот павилјон. Присуството на овие роботи ги покажуваат најновите достигнувања на кинеските технолошки иновации на светската сцена, како и значајниот напредок на земјата во областа на вештачката интелигенција. UBTECH Panda Robot и Walker X пружаат интелигентни услуги на лице место во неколку сценарија.

Симпатичниот црно-белиот робот наречен „Youyou“ може да повлече некои „таи-чи“потези, да ракува со калиграфско пенкало и да послужи како водич на посетителите на павилјонот.