Rolls – Royce интензивно го тестира својот електричен автомобил

Електричниот модел на Rolls – Royce, Spectre во актуелниот период ги вози своите тест километри низ француската ривиера. Имајќи ја предвид претходната најава дека продукцискиот модел ќе биде подготвен на крајот на наредната година, во компанијата имаат доволно време да ги завршат работите во однос на тестирањето, при што автомобилот ќе мине вкупно 2,6 милиони километри низ различни режими и климатски услови.

Се тврди дека станува збор за најаеродинамичниот модел на овој бренд, но не се откриваат многу технички детали за овој ултралуксузен модел, кој ќе ја има и најцврстата каросерија во историјата на брендот.