Продолжи реконструкцијата на Универзална сала

По двегодишната пауза, вчера продолжија градежните активности за реконструкцијата на Универзалната сала во Скопје откако минатата година Град Скопје времено ѝ ја отстапи надлежноста над објектот на Владата и ја превзема Министерството за култура.

Реконструкцијата ќе се одвива во две фази, а се очекува да биде целосно завршена до 2026 година.

За реконструкцијата на Универзалната сала за годинава се обезбедени 120 милиони денари. За 2025 година се обезбедени 443 милиони денари и истата таа сума се предвидува и за во 2026 година.