Насловна / Вести / Отворен новиот булевар Никола Карев под касарната Илинден

Отворен новиот булевар Никола Карев под касарната Илинден

Новозавршената делница на булеварот Никола Карев официјално е пуштена за сообраќај.

bulevar Nikola Karev

Проектот за проширување и реконструкција на булеварот Никола Карев се реализираше во две фази, a градежните работи од оваа фаза се извршуваа на потегот од крстосницата кај касарната „Илинден“ до Момин Поток во вкупна должина од 980 метри. Со овој проект постојниот коловоз е проширен на четири сообраќајни ленти, со разделно зеленило и нови мешани пешачко-велосипедски патеки од двете страни.

bulevar Nikola Karev1

“Станува збор за исклучително фреквентна сообраќајница која е најмногу искористена од жителите на Карпош, Центар, Чаир, Шуто Оризари, Бутел и Гази Баба, но како транзитна сообраќајница користена е и од оние што само минуваат низ овој дел на градот. Оваа сообраќајница ќе се надоврзе и на новата клучка кај Момин Поток чија изведба ќе почне наредната недела, а со нејзиното завршување очекуваме значително да се намали сообраќајниот метеж во овој дел од градот“, вели градоначалникот Петре Шилегов.

bulevar Nikola Karev2

На булеварот Никола Карев, во оваа втора фаза од реконструкцијата, изведена е и нова атмосферска канализација и потпорен ѕид во должина од 690 метри, а поставено е и ново лед осветлување од двете страни. Вкупната инвестиција во втората фаза на овој проект изнесувала околу 160 милиони денари.

Минатата пролет Градот Скопје ја заврши првата фаза од реконструкцијата на булеварот Никола Карев, на потегот од клучката кај Бит-пазар до крстосницата кај касарната „Илинден“ во вкупна должина од 1.440 метри.

bulevar Nikola Karev3

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top