Одмаралиште на планината Беркшир кое ги комбинира историјата и лекувањето

Во текот на летните месеци, планината Беркшир ги истакнува музиката, театарот, танцот и уметноста. Wyndhurst Mansion е најновиот потфат за дизајнерот на ентериер Клодаг, кој во последните 15 години е креативната сила зад брендот Миравал.

Новоизградените модерни колиби, во кои се сместени 100 гостински соби и апартмани, вклучуваат атмосфера исполнета со топла палета на сино-сиви бои, кои го рефлектираат пејсажот на Беркшир. Мебелот ги нагласува рустикалните материјали, како што се дрво, кожа, челик, бронза и син камен, додека парчињата од колекцијата Клодаг се тапацирани со волнени и карирани ткаенини, украсени со кожни детали.

Прилагодените светла, дизајнирани од тимот на Клодаг ја насликуваат илузијата на светулките, произведени од перфориран бакар – метал за кој се тврди дека има лековити квалитети.

Познат по духовна естетика која е вкоренета во природата, биогеометријата, хроматерапијата и најважното фенг шуи – принцип на организирање што поттикнува рамнотежа, ентериерите на Клодаг ги надминуваат благосостојбата, одржливоста и зелениот дизајн.

Ентериерите на Клодаг редовно вклучуваат биофилија, ароматерапија, звук, уметност и светлина. Сите својства на Миравал интегрираат пристап „живот во рамнотежа“, демонстриран преку употреба на природни елементи кои нагласуваат ветер, оган, земја и вода во форма на фонтани, камини и метална мандала.

Велнес програмите на Миравал вклучуваат часови за медитација и јога, телесни ритуали како тајландски, врели камења и масажи со кристали, како и рефлексологијата и реики.

За оние кои бараат поригорозен физички режим се нудат и пешачење, патеки за скијање, авантуристички курсеви и спортови на вода. „Се обидуваме да ги приземјиме луѓето“, вели Клодаг, за дигиталната атмосфера на Миравал без уреди.

АВТОР: Сања ВЕЛКАКОВА