Насловна / Вести / Од денес Националната конференција за клима

Од денес Националната конференција за клима

Како да ги ублажиме последиците од климатските промени и колку е важно тие да бидат дел од политиките и активностите во сите сектори – ова се најважните прашања на кои ќе биде фокусирана Националната конференција за клима, што ќе се одржи онлајн од денес, 29 март до 9 април #ДаЗборувамеЗаКлима

Конференцијата е завршна активност на тригодишниот проект „Да зборуваме за климатските промени“ што го реализираат „Еко-свест“, CNVP (Connecting Natural Values for People) и Движењето на екологистите на Македонија.

ek1

„Проектот „Да зборуваме за климатските промени“ се стреми да ги мобилизира граѓаните, заедниците во земјата, преку нивна едукација за она што значат климатските промени, нивните последици, меѓутоа и како секој од нас влијае врз климатските промени. Што може секој од нас да направи за да ги ублажи нивните последици и како да ги пренесеме овие информации во нашите заедници со цел да предизвикаме промена“, вели Ана Чоловиќ Лешоска, извршна директорка на „Еко-свест“.

ek2

Конференцијата ќе биде отворена в понеделник (29 март) во 11 часот на платформата „Zoom“. Ќе се обратат Штефен Худолин, раководител на секторот за операции при ЕУ Делегацијата, Насер Нуредини, министер за животна средина и просторно планирање, Арјанит Хоџа, министер за земјоделие, шумарство и водостопанство, Ана Чоловиќ-Лешоска, извршна директорка на „Еко-свест“ и Нехат Рамадани, директор на CNVP за Македонија. Ќе бидат промовирани успешни приказни од локалните заедници.

„Во рамките на програмата на конференцијата ќе биде промовирана еколошката алатка екомапа.мк, ќе се зборува за визиите и целите за справување со промените во климата, за изработка на закон и стратегија за климатска акција и презентација на анализа за правни инструменти за климатска акција. Ќе се одржат и работилници за климатска акција, ќе се зборува и на темата за можностие за попаметно греење, како и за намалувањето на загадувањето на воздухот, водата и почвите. На 7 април ќе се одржи тркалезна маса на тема „Патот кон праведна транзиција“, а ќе се дискутира и на темата како да се прилагодиме кон климатските промени“, порачува Нехат Рамадани, CNVP директор за Северна Македонија.

ek

Како дел од проектот „Да зборуваме за климатските промени“ беа спроведени обуки наменети за граѓанските организации од земјата активни во секторите животна средина, рурален развој, шумарство.

Од организациите кои го спроведуваат проектот велат дека главната цел била да се создаде национална коалиција за клима чии членки ќе бидат силни и добро информирани граѓански организации способни да ги пренесат пораките од своите заедници до политичките лидери.

Настаните ќе може да се следат и на фејсбук-страниците на Еко-свест и на CNVP.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top