Насловна / Вести / Од 2035 година во ЕУ нема да се продаваат нови автомобили на фосилни горива

Од 2035 година во ЕУ нема да се продаваат нови автомобили на фосилни горива

Пратениците во Европскиот парламент со мнозинство гласови ја поддржаа забраната за пордажба на нови возила на бензин и дизел од 2035 година, со цел да се забрза преминот на електрични возила. Гласањето е во согласност со клучните планови на ЕУ за намалување на вкупните емисии на стакленички гасови за 55% до 2030 година, во споредба со нивото од 1990 година, што е цел која бара побрзо намалување на емисиите во индустријата, енергетиката и сообраќајот.

ban1

Законот сепак сеуште не е конечен. Гласањето ја потврдува позицијата на Парламентот за претстојните преговори со државите членки околу конечната верзија на законот. Намерата е јасна – забрзување на трансформацијата кон електрични возила и охрабрување на производителите на автомобили поинтензивно да вложуваат во електричните погони. Некои од производителите, како Ford и Volvо, јавно го поддржаа планот на ЕУ за запирање на продажбата на возила со мотори со внатрешно согорување до 2035 година. Но, сепак, интересните групи од автомобилската индустрија, вклучувајќи го и Германското здружение на автомобилската индустрија (VDA), лобираат за отфрлање на оваа цел за 2035 година. Тие сметаат дека ваквиот план ги казнува алтернативните горива со ниски емисии, и истакнуваат дека е прерано за забрана на фосилните горива со оглед на недоволно развиената инфраструктура за полнење на електрични возила.

ban2

 

 

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top