Мултифункционалност во просторот преку негова трансформација

Студиото за дизајн на ентериери BosaSPACE ја истражува идејата за трансформативни домови, која се постигнува преку паметните решенија на мебелот и нивниот распоред во просторот. Мебелот може да се трансформира во неколку видови според потребите на сопствениците и да се приспособи на нивниот современ живот.

Кујната што навидум е обична компактна кујна, истовремено може да се претвори во голема трпезарија за осум луѓе, или работно биро со повлекување на масата од шанкот.

Креветот за спиење се повлекува кон ѕидот, со што дневниот престој добива поголема површина, а може и да се претвори во модерна софа за седење.

Панелот на кој е поставен телевизорот има можност да се поместува со цел да се приспособи на која билo позиција од станот.