Мал стан со елементи од натур бетон

Бетонот како дел од ентериерот, секогаш дава нота на дополнителна смиреност, елеганција и уметнички впечаток. Бетонот во ентериерот не може да се користи во секој дом поради тоа што бетонот не го отсликува домот на секој поединец, туку само на оние што имаат немирен, урбан и модерен дух.

Овој дом е сосема мал но светол, и неговите бетонски елементи се целосно суптилни. Овој отворен и светол стан има еклектичен и уметнички дизајн во кој се користат одредени „quirky“ елементи како што се различните но сепак складни столици на трпезариската маса и клуб масата која е изведена од кругови од стебло од дрво.

Бетонскиот ѕид во овој ентериер е поставен со цел да го разубави овој ентериер со својата природна боја и текстура.