Луксузниот Nio ET9 го нарекуваат „кинески Мајбах“ а чини двојно помалку

Кинескиот производител на електрични возила Nio, го претстави новиот електричен модел кој според нивниот оптимизам ќе ги одмери силите со двојно поскапите модели како Mercedes Maybach или Porsche Panamera E-Hybrid. Оваа компанија со седиште во Шангај, објавила дека луксузната лимузина ET9 ќе чини околу 112.000 долари, и дека се очекува да им биде испорачан на купувачите во првиот квартал од 2025 година. Исто така, ET9 е најскапиот модел кој Nio го има развиено од своите почетоци во 2014 година. Nio ET9 ќе има два електромотори. Напред е поставен индукциски асинхрон мотор со моќност од 180 kW, а одзади синхрон мотор со перманентен магнет со моќност од 340 kW.