Насловна / Вести / Љубљана прогласена за еден од најодржливите градови во светот

Љубљана прогласена за еден од најодржливите градови во светот

Lonely planet, најпознатиот издавач на туристички водичи, ја вброи престолнината на Словенија во листата на осум најодржливи градови во светот. Словенечката агенција STA, пренесува дека Љубљана е „исклучително чиста и се позелена“, и препознатлива по својата недопрена природа. Токму природата и чистиот воздух се клучните предности во планот за оживување на градскиот туризам. Lonely planet го истакнува фактот дека над 10 хектари од градскиот центар е наменет за пешаци, како и дека улиците се мијат со дождовница и повторно употребена вода. Најсовремениот систем за управување со отпадот довел до состојба во која на депониите се одлага 80% помалку отпад отколку во 2008 година. Исто така, Љубљана е првата европска престолнина која се заложила за целта „град без отпад“. Имено, крајната цел е до 2025 година, отпадот да се намали на само 60 килограми годишно по лице.

Љубљана уште во 2007 година ги дефинирала целите на одржливата мобилност, а во приоритетите е вклучена и заложбата до 2027 година во сообраќајот да доминираат велосипедите и јавниот превоз. Реализирана е реконструкција на градските мостови, а обезбедени се и електрични возила со кои повозрасните можат да се движат низ градот.

Инаку, на споменатиот список од осум најодржливи градови, покрај Љубљана се најдоа и Сингапур, Лисабон, Ванкувер, Копенхаген, Сан Франциско, Портланд и Бангалор.

LPLjubljana1

LPLjubljana2

lpljubljana3

 

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top