Насловна / Архитектура / Вила во Калифорнија за вистинските љубители на уметноста

Вила во Калифорнија за вистинските љубители на уметноста

Сместена на прекрасна полурурална парцела од 3.7 хектари во долината Портола во Калифорнија, куќата Vidalakis Residence од 7.000 квадратни метри во основа е организирана како латиничната буква „L“ со примарна циркулација поставена на оската исток-запад. Поголемиот дел од јавните и приватни простори свртени се кон север и уживаат во драматични кратки и долги погледи, додека Сан Франциско се гледа во далечината.

15_resize

Линеарен базен е поставен нормално на куќата со три бесконечни рабови, издигнувајќи се над теренот на северниот крај, нагласувајќи ги драматичните погледи и благиот пад на теренот.

5_resize

Г-ѓа Видалакис, приватен психолог и ќерка на сопственикот, творец на оваа семејна куќа, филантропот Ник Видалакис, започнала да ја гради својата куќа од соништата уште во 2008 година. За време на потрагата по совршенство, сопственичката разгледала над двесте архитектонски написи во период од осумнаесет месеци, за конечно да одлучи да го ангажира архитектот Роберт Сват од компанијата Swatt / Miers Architects.

3_resize

4_resize

Целиот проект изискувал скоро седум години за да се комплетира, што резултирало со стаклен трикатен модернистички изглед, прекрасен поглед на мостот Голденгејт и пејзажите на Сан Франциско.

21_resize

Проектот на Сват, конструктивно е поделен на два дела, со едно крило на куќата потполно отворено со големи стаклени површини, спроти кое се наоѓа делумно затворена правоаголна единица со фасада од махагони.

18_resize

7_resize

Во куќата проектирани се еднокраки дрвени скали од калифорниски орев кој водат на катовите. На последниот кат сместена е спалната соба на сопствениците, опремена со посебно дизајниран кревет и заглавие поставено со Мисони свила, како и неколку Мурано стаклени лустери.

26_resize

Мошне одлучна во намерата своите гости да ги држи подалеку од личниот, приватен простор, Видалакис, додала одвоен еднособен апартман и канцеларија над просторот на гаражата за два автомобила. Дополнително, покрај приодниот пат се наоѓа самостојна, потполно опремена двособна вила наменета за посетители.

2_resize

Оваа семејна куќа во долината Портола неодамна беше пуштена на пазарот на недвижнини со цена од 33 милиони долари, додека за целиот процес на продажба е надлежен брокерот Мајкл Драјфус, од компанијата Golden Gate Sotheby’s International Realty. Меѓутоа, купувачот на оваа резиденција од стакло, дрво и бетон не би требало да има проблеми, бидејќи неговата нова куќа е однапред опремена со еклектична колекција на современи уметнички дела.

24_resize

Колекцијата, која доаѓа во склоп на луксузниот ентериер, вклучува специјално дизајнирана аголна клупа Astral на уметник Томас Мозер, како и розова фотелја од Ричард Шулц, сместена спроти неа. На sидовите низ овој дом има шарени слики од американскиот поп-уметник Доналд Бечлер, кои сочинуваат комплет од шест примероци во ограничено издание.

8_resize

Речиси секоја поединечна просторија од овој дом е полна со неверојатни уметнички дела. На подовите е можно да се забележат прекрасни скулптури, вклучително и три бронзени дела од Роберт Холмс, задолжени за додавање на интересни метални примеси на целиот декор.

20_resize

 

16_resize

Покрај бескрајниот базен поставена е и кобалтно сина конструкција, која сама по себе може да се смета за уникатно уметничко дело, составена од еден кружен сегмент поставен на тенок столб за создавање сенка во врелите летни денови.

1_resize 17_resize 25_resize 23_resize 9_resize 10_resize 11_resize 12_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top