Порта3 – градежништво, архитектура и екологија Порта3 – градежништво, архитектура и екологија
Како што напредува енергетската транзиција кон „чисти“ извори на енергија, така станува се поголема побарувачката на бакар, цинк и други материјали. Во 2022 година, рекордни 12% од целокупно искористената енергија глобално, е добиена од соларни електрани и од ветерници. Одредени материјали се неопходни за изградба на ваквите постројки, а во просек новите системи бараат повеќе минерали за изградба. Тоа поттикнува бројни расправи околу прашањето „колку всушност е чиста енергијата од обновливите извори“?
Во табелата подолу, даден е преглед на материјалите кои највеќе се користат кај овие нови технологии. Меѓу наведените, видливо е дека ветерните електрани на море се исклучително големи потрошувачи на бакар.
|
Ветерни електрани на море |
Ветерни електрани на копно |
Фотоволтаици |
|
| Бакар |
8,000 kg/MW |
2,900 kg/MW |
2,822 kg/MW |
| Цинк |
5,500 kg/MW |
5,500 kg/MW |
30 kg/MW |
| Манган |
790 kg/MW |
780 kg/MW |
– |
| Хром |
525 kg/MW |
470 kg/MW |
– |
| Никел |
240 kg/MW |
404 kg/MW |
1 kg/MW |
| Молибден |
109 kg/MW |
99 kg/MW |
– |
| Силициум |
– |
– |
3,984 kg/MW |
Во табелата се прикажани материјалите кои највеќе се користат кај фотовoлтаиците, како и ветерните електрани на море и на копно. Потрошувачката на бакар е најголема, но од друга страна тој е 100% рециклабилен. Цинкот е користен кај заштитните слоеви на опремата, во функција на заштита од корозија.
Токму бакарот и цинкот ќе се соочат со се поголема побарувачка паралелно со напредокот на енергетската транзиција. Затоа, од особена важност е да се воспостави циркуларна економија, низ имплементација на практики за рециклирање и реупотреба на материјалите, со цел да се намали негативниот импакт врз животната средина. Не помалку важно е да се имплементираат нови технологии во рударството со пониско влијание врз животната средина и секако развој на нови материјали.
