Кина издала дозвола за превоз на патници со беспилотно летало

Кинеските власти за цивилно воздухопловство издале дозвола за производство на домашното беспилотно електрично летало EH216-S, кое има можност за вертикално полетување и слетување (eVTOL), за превоз на патници. Дозволата која е издадена од страна на Управата за цивилно воздухопловство на Кина, е прв сертификат во светот кој е доделен за производство во оваа индустрија и претставува значаен чекор кон масовно производство на eVTOL летала.

EH216-S е развиен и произведен од страна на EHang, една од водечките светски компании за технолошка платформа за урбана воздушна мобилност. Леталото може да има широка примена во превоз на патници, како и логистика и реагирање во итни случаи. Високо е 1,93 метри и широко 5,73 метри, со максимална полетна маса од 620 килограми, и предвидено за превоз на двајца патници со багаж. Има домет од 30 километри, со максимална брзина од 130km/h.