Порта3 – градежништво, архитектура и екологија Порта3 – градежништво, архитектура и екологија
Холандската авио компанија KLM, на сите свои летови од аеродромот Schiphol во Амстердам, од 10-ти јануари започна да користи одржливо гориво (Sustainable Aviation Fuel – SAF). Денес SAF се смета за најважен фактор во борбата за поодржливо воздухопловство, бидејќи неговата примена може да ги намали емисиите на јаглерод диоксид за дури 75%. Сепак, трошоците за неговото производство се четири пати повисоки од трошоците за производство на класичниот керозин. Користењето на ова гориво ќе биде финансирано и преку доплата на авио билетите во износ од 1-12 евра по билет, во зависност од класата и должината на летот. Со новото гориво се субституира дел од керозинот, а тој процент се планира постојано да расте во иднина.
