Google стартуваше со својот прв геотермален проект во САД

Компанијата Google во соработка со стартапот Fervo, го стартуваше својот прв геотермален проект во САД, кој треба да ги напојува центрите за податоци на оваа компанија со „чиста“ енергија. Проектот во сојузната држава Невада има релативно мал капацитет од 3,5MW. Енергијата од таа постројка ќе опслужува два центри за податоци на Google – кај Лас Вегас и Рено.

Google планира до 2030 година да користи електрична енергија од извори кои не ја загадуваат животната средина.  На проектот с еработи од 2021 година, кога Google го објави својот „прв корпоративен договор на светот за развој на геотермален проект на следната генерација“.  За разлика од ветерните електрани и соларните фарми, геотермалните проекти можат конзистентно да генерираат електрична енергија во текот на целата година.