Google Duplex ќе им стави крај на телефонските разговори

На годишната конференција на „Гугл“ наменета за програмери, извршниот директор на компанијата, Сандар Пичаи, ги остави присутните без зборови при демонстрацијата на Google Duplex. Станува збор за асистент со вештачка интелигенција кој може да остварува телефонски повици и да води разговор место вас.

„Ја најавуваме Google Duplex, нова технологија за водење природни разговори која ги решава проблемите во реалниот свет. Технологијата е наменета за исполнување на одредени задачи, како што е закажување состаноци. За таквите задачи, системот се обидува да го води разговорот што е можно поприродно, како што би го правеле тоа ние со други луѓе“, стои во блогот објавен од страна на „Гугл“.

Google Duplex од наредните недели ќе биде достапен за одредени корисници како експеримент.