Насловна / Архитектура / Футуристички вили на брегот на Замбези дело на белградски архитекти

Футуристички вили на брегот на Замбези дело на белградски архитекти

Во својот нов проект во Замбија, познатото биро од Белград испитува како современите материјали, уникатниот дизајнерски израз и инспирацијата од традиционалните мотиви создаваат нова архитектонска приказна.

9

Живописниот пејзаж на бреговите на реката Замбези им послужил на архитектите од бирото Pujo Architects & Designers да создадат специфична современа архитектура која воведува современи материјали во природната средина, а во исто време овозможува целосно уживање додека се престојува на брегот.

Во комбинацијата на луксузниот дизајн на просторите за одмор кои ги карактеризираат вилите со базени и стаклени фасади ориентирани кон реката, и карактеристиките на околината што влијаеле на посебниот третман на кровот, создаден е нов дизајнерски израз кој истовремено е нетипичен за поднебјето и е создаден како резултат на поигрувањето со неговите влијанија.

1

Посебно обликуван поглед кон пејзажот

Обликувањето на архитектурата околу погледот, но и заштитата на објектот од топлината и силното сонце карактеристични за брегот на Замбези, овозможило кадрирање на погледот кон реката со користење на настрешницата на бетонскиот кров што се спушта кон теренот како подвижна ткаенина од шаторско крило, замрзната во миг.

Низ ваков кадар, истовремено е реализиран посебно обликуван поглед на пејзажот, а создадена е сенка со внимателни дизајнерски мотиви која го штити транспарентниот ентериер од топлина.

7

Со вајање на просторот на ентериерот на начин што создава органски амбиенти инспирирани од природата, геометриските мотиви на традиционалната текстилна уметност станаале дел од „ткаењето“ на слоевите на ѕидовите, а и носители на воведувањето на идентитетот на поднебјето во современата архитектура.

Со поставување на кружен релјеф како централна точка на просторијата, дизајнирана е комбинација на природата и геометријата на ниво на детали, а играта на органски и вештачки елементи продолжува, до степен до кој нивните граници се бришат, а новопроектираните вили стануваат внимателно обликувана интерпретација на начинот на живот во поднебјето на Замбези.

4

Сценски амбиенти на продор на сонцето во зградата

Додека проектирање во контекстите на северната хемисфера или Медитеранот овозможува различни начини на отворање на зградите кон сонцето, во климатскиот контекст на локацијата во Замбија, кровниот покривач послужил како елемент што спречува прекумерно загревање на објектот.

3

Како и во случајот со релјефот инспириран од природата и народните мотиви во ентериерот, површината на кровот испресечена е со отвори слични на традиционалното ткаење на текстил, кои покрај функционалниот аспект на засенчување овозможуваат и сценски амбиент на продор на сонцето во објектот.

Неизграденоста на бреговите на реката Замбези им овозможило на архитектите поигрување со различни стилови и мотиви, што вклучило артикулација на теренот и нивото на приземјето.

2

Како метод за раздвојување на поединечни бунгалови, проектирани се монументални платформи до кои се пристапува преку рампи, со што дизајнерски е осмислен речиси церемонијален пристап до објектите, а тие истовремено се подигнати од теренот и станале стабилни структури на разиграниот терен на брегот.

5

Вили проткаени со луксуз и духот на местото

Издигнати на бетонска платформа со базен, вилите стануваат футуристички дела во природната средина на Замбија.

Со користење на традиционални мотиви на текстилната уметност и интегрирање на инспирацијата од природата во современиот дизајн, создадена е модерна структура обликувана од влијанијата од околината, особено сончевите зраци и погледот на реката Замбези.

10

Спојувајќи ја модерната архитектура отелотворена во јасна геометрија, со органски детали од природата и создавајќи структури кои го преобликуваат пејзажот на африканскиот брег, Pujo Architects & Designers создале впечатливи вили кои се проткаени со луксуз и духот на местото.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top