Форми поддржани од симболи во црква во Португалија

Проект за црква се чини како добар инструмент во трагањето по симболична, мистична и експресивна димензија. Како што не научила историјата, сојузот меѓу уметноста и религијата нуди на човештвото единствени, волшебни и возвишени моменти, кои го збогатуваат животот, умот и душата.

Црквата, како материјална конструкција и човечки приказ на божественото, игра важна улога во развитокот на сензибилитетот. За верниците и за лаиците, тоа е жив знак која пренесува трансцендентална смисла која не тера да погледнеме подалеку од она што го гледаме и да одвоиме време да ги почувствуваме нашите животи на подлабоко.

Првите впечатоци и идеи се појавиле при првата посета на теренот, велат проектантите за ArchDaily. Особеностите и формите се очигледни, поддржани од симболи кои им се чинеле важни, експресивни и соодветни за намерите на архитектите од португалското биро FCC Arquitectura при проектирање на црквата .

Закривената линија се наметнала од почеток, како гест и како форма поврзана со прием и заштитат на црквата во Лагарес, Португалија.

– Форма на риба, силна слика за католичката религија и симбол на Исус Христос Спасителот.
– Капка, вода. Симбол на прочистување и благослов, поврзано е со ритуалот на крштевање во христијанството.
– Конвенционалното шема на изнаоѓање на осовината која е карактеристична за класични цркви.

Улиците кои граничат со теренот имаат стрми падини, а црквата е сместена на средната платформа.

Два закривени ѕида, речиси целосно ослободени од земја, ги упатуваат луѓето кон главниот влез на црквата. Распоредот на овие ѕидови бил условен со клучните орјентири внатре во објектот: ја премостуваат крстилницата и олтарот, формирајќи така насоки во просторот.