Енергијата од соларни и ветерни централи ќе биде ценовно конкурентна со енергијата од фосилни горива

Цената на производство на електрична енергија од соларните централи и ветерните фарми до 2020 година се очекува да биде на исто ниво како цената на енергијата од фосилните горива, се наведува во студијата на енергетските консултанти од Poyry Oyi, пренесува Bloomberg. Соларните централи во Шпанија ќе можат да произведуваат ценовно конкурентна енергија со онаа добиена од јаглен и гас веќе во 2021 година, во Турција до 2018, а во Италија до 2025 година. Ова „изедначување“ подразбира капиталните трошоци да продолжат да паѓаат со истовремено зголемување на степенот на ефикасност на постројките.