Единбург: Автономните автобуси (без возач) тргнуваат во јавниот сообраќај

Од наредниот месец, автономните автобуси ќе започнат да возат во шкотскиот град Единбург. Транспортната компанија Stagecoach најави дека самовозечките автобуси ќе почнат да сообраќаат на рута од 22,5 km, од 15-ти мај.  Вкупно пет автобуси на кат, ќе превезуваат околу 10.000 патници дневно. Возилата поседуваат сензори кои ќе им овозможуваат да се движат по однапред утврдени траси, со брзина до 80 km/h. Британската влада истакнува дека ова е прва јавна линија со големи автономни автобуси. Министерот за сообраќај на шкотската влада, Кевин Стјуарт, вели дека ова е „возбудлива пресвртница“ и „амбициозен проект“. Директорката на компанијата Stagecoach, Карла Стоктон – Џонс, изразила задоволство што на истокот на Шкотска стартува првата автономна автобуска флота, каде што е и седиштето на компанијата.