Eames Shell Chairs – совршена столица за секое место и секој простор

Претставена во 1948 година и конечно пласирани на пазарот како прво масовно произведена пластична столица, Eames Shell Chairs воспостави сосема нова типологија на седење. Денес Vitra ги произведува школките на седиштата на Eames Plastic Chairs од полипропилен, додека Eames fiberglass столиците се произведуваат од полиестерска смола појачана со стаклени влакна.

Со повеќе од 170.000 конфигурации, 23 бои на школката и 36 опции за тапацирање, создадена  е совршена Eames Shell Chair за секого и за секој простор. Без разлика дали станува збор за фибреглас, полипропилен или заварена челична жица, столиците Eames Shell се обликувани според човечкото тело за да понудат поголемо ниво на удобност. Мноштвото комбинации овозможуваат користење во најшироки опсег на поставување на столиците – од трпезарии, дневни соби и домашни канцеларии до тераси и градини.

Кога ја дизајнирале палетата за столиците од фиберглас со нивните обликувани школки, Charles & Ray Eames дале голема важност на понудата на низа неутрални нијанси кои добро ќе се вклопат во широка палета на ентериери. Тие знаеле дека новиот дизајн сосема се разликува од другите столици достапни во тоа време. Затоа морале многу внимателно да ги бираат боите, за да бидат прифатени од потрошувачите, што резултираше со подценета палета.

Дизајнерските тимови на Vitra внимателно ги истражувале архивскиот материјал и vintage пазарот за да ја одредат историската употреба на боите од страна на Charles & Ray Eames и го интегрирале ова знаење со широка анализа на тековните потреби и понуди на пазарот. Врз основа на овие заклучоци, палетите на школките на седиштата за Eames пластичните столчиња, столиците од фиберглас и ткаенината за тапацирање биле ревидирани во тесна соработка со канцеларијата Eames.

Инвентивниот основен систем овозможува столиците да се користат во различно опкружување, како во домови, така и во канцеларии. Може да се најде верзија која одговара на секоја потреба и секој стил благодарение на големата палета на бои.