Дизајн на дом со меки линии и нежни тонови

Клиентите на кои дизајнерите им ги уредуваат нивните простори за живеење, најчесто бараат нивниот дом да биде уреден така што ќе се избегнат „експерименти“. Без употреба на јаки и нападни бои или пак многу впечатливи дизајни кои сами по себе се дискутабилни поради можноста некому да се допаѓа, а некому не.

Овој дом кој ви го презентираме е типичен пример на дом во кој се употребуваат нежни и неутрални бои и нијанси, па токму поради овој факт истиот е допадлив. Избегнувајќи ги експериментите и нападните бои, архитектите од украинското студио со седиште во Одеса, M3 Architectural & Construction Group, дошле до одличен резултат со што добиле дом кој е пред се удобн и пријатен за живеење.

За сите елементи во домот се искористени природни материјали со своите вообичаени бои, па така секој од материјалите се вклопува во целокупната слика на просторот.

Исто така, освен топлите и меки материјали, во овој дом се јавува и натур-бетонот, кој пак како ладен материјал дава контратежа на целата топлина на просторот и така се воспоставува баланс во истот.