Coutume Aoyama – дневна доза на кафе во лабораторија

Креаторот на оригиналната француска кафетерија Coutume во Париз, париското студио CUT Architects, го дизајнирало ентериерот на кафетеријата Coutume Aoyama во Токио како комбинација помеѓу кафетерија и научна лабораторија.

Декорот на внатрешноста е изведен од бели плочки до половината на сите ѕидови и сервисниот пулт, оплеменувајќи го просторот со широк спектар на кафиња и лабораториска опрема.
Основна цел при конципирањето на идејата е задржување на цврстиот идентитет на брендот, истовремено адаптирајќи го на новата локација во Токио. Креиран како сплет на кафетерија и лабораторија, Coutume Aoyama располага со дуална концепција.
Страната од влезот е изведена под бела мрежна плафонска површина со интегрирани LED панели. Бар пултот и сервисниот пулт се компонирани од два поплочени блокови кои реферираат на хемиска табла.
Од другата страна на кафетеријата просторот за седење е позициониран под бели лакирани рамки, поставени во континуитет со плафонската мрежа од „лабораториската“ зона.
Целокупниот под е изведен од дабов паркет со различни типови на слоеви како, шантиски во фронталната зона, унгарски кон сервисните простории, традиционален во просторот за седење.

Иако се работи за совршено бел и прочистен дизајн, применетите дополнителни детали интегрираат динамика, разиграност и топлина, создавајќи несекојдневна атмосфера за конзумирање на дневната доза кафе.