Насловна / Вести / Бубамара – корисен жител на секоја градина

Бубамара – корисен жител на секоја градина

Бубамарата го одбележа сечие детството. Верувањето вели дека кога бубамара ќе слета на некого, тоа носи среќа. Не знаеме со сигурност, но она што го знаеме е дека присуството на бубамарите во градинтаа дефинитивно ќе и донесе среќа. Многу производители на зеленчук и овошје ја користат моќната „бубамара“ војска во борбата против вошките. Еколошкото и био производство го бара најсилното што ни го дала природата, а тоа е синергијата со овие мали и интересни суштества.

b5

БУБАМАРА – ЗОШТО Е ВАЖНА ЗА СЕКОЈА ГРАДИНА?

Сигурно се прашувате зошто една бубамара би била важна за градината? Одговорот е многу едноставен и лежи во нејзиниот апетит. Имено, една бубамара за 2-3 недели може да изеде 400-500 лисни вошки. Затоа, тоа е еден од најдобрите начини за борба против досадните вошки на вашите растенија. Една генерација бубамари живее околу пет недели, што им дава доволно време да го зголемат потомството за 5-6 генерации. Можете сами да заклучите, ако успеете да задржите една генерација, бројот се зголемува со геометриска прогресија.

L

КАКО ДА ЈА ПРИВЛЕЧЕТЕ ВО ГРАДИНАТА?

Големиот потенцијал на бубамарите во борбата против штетниците е непроценлив. Бубамарите се насекаде околу нас, но тие ќе дојдат и ќе останат во вашата градина само доколку се погодни условите за нивниот престој. Ако сакате да ги привлечете и задржите, треба да:

Избегнувате употреба на хемиски препарати

Бубамарите не се премногу чувствителни на благи инсектициди, можеби нема да ги убиете со нивната употреба, но она што дефинитивно ќе го направите е да ги избркате. Ако престанете да користите пестициди и хербициди, за околу 5-6 недели ќе можете да го забележите доаѓањето на првите бубамари. Ова е особено важно во пролетта, кога бубамарите излегуваат од зимската хибернација и тргнуваат во потрага по храна.

b2

Засадете растенија кои се склони на лисни вошки

Ако садите растенија кои имаат поголема веројатност да привлечат вошки, ќе привлечете и бубамари. Розите на пример, се еден од тие видови. Освен украсните растенија како розите, некои видови евонимус, вошките ги привлекуваат и овошните садници и некои зеленчуци.

b1

Засадете растенија кои се богати со полен и нектар

Бубамарите генерално највеќе сакаат месни оброци како што се вошките, но исто така сакаат да имаат пристап до полен и нектар додека се во фаза на растење и развој. Идеални растенија за нивните потреби се астрите и ајдучка трева.

Откак еднаш ќе се уверите во важноста и ефикасноста на овие мали жители, ќе сакате тие секогаш да бидат жители на вашата градина и ќе направите се за да ги привлечете, односно да ги задржите.

b3

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top