Автономен багер гради камен ѕид како да реди сложувалка

Истражувачите од ETH Zurich, развиле метода со која го научиле автономниот багер самостојно да гради камени ѕидови користејќи големи карпи и градежен отпад. Овој иновативен пристап претставува значаен напредок во градежништвото. Проектот, кој е дел од Националниот центар за дигитална фабрикација  (NCCR dfab), вклучува мултидисциплинарен тим на истражувачи од различни лаборатории и катедри на ETH Zurich.

Автономниот багер, наречен HEAP, успешно изградил ѕид висок 6 метри и долг 65 метри. Ѕидот е сместен во дигитално планиран и автономно ископан пејсаж и парк. Благодарение на сензорите, багерот може самостојно да креира 3D мапа на градилиштето и ги лоцира постоеките градежни блокови и камења потребни за изградбата. Посебно проектирани алати и пристапи на машинскиот вид му овозможуваат да скенира и фаќа големи камења во своето непосредно опкружување. Алгоритамот ја определува најдобрата позиција за секој камен, а потоа багерот самостојно ги поставува на одредено место.