Атина прогласена за најмиризлив град во светот

Можеби звучи малку чудно, но ако некогаш сте се запрашале кој град најубаво мириса, еве го одговорот. Британската компанија HAIPP објави 10 европски градови кои најмногу и најубаво мирисаат.

Градот кој мириса најубаво на светот всушност не е многу далеку од нас.

Истражувањето опфати 30 градови во Европа и пошироко.

Градовите се оценети врз основа на чистотата, бројот на цвеќарници, пекари и парфимерии. Time Out пишува дека грчката Атина го зазеде првото место меѓу најмиризливите градови во светот.

Овој историски град и една од најстарите престолнини во светот доби оценка 8,3 од 10, благодарение на бројните пекари и продавници кои испуштаат мирисни ноти.

Исто така, Атина е цветен рај, со 31 цвеќарница и 22 парфимерии на 10 квадратни километри, што значи дека нежен мирис се шири во секој агол од градот. Посветеноста на градот на чистота се рефлектира и во неговиот Индекс на еколошки перформанси (EPI), кој доби оценка од 56,2. Затоа, следниот пат кога планирате патување, не следете го своето срце – следете го вашиот нос.

Вреди да се споменат и другите градови кои се најдоа на листата на градови со најубав мирис во светот. Париз, со својот романтичен амбиент, елегантните булевари, мирис на багети, ја обезбеди втората позиција, а веднаш зад него е Цирих, познат по својата чистота и живописното опкружување и ја заокружува првата тројка.