„АРТ Мебел“ го отвори вториот салон во Скопје

По една година постоење, компанијата „АРТ Мебел“ го отвори вториот салон во Скопје на улица „Првомајска“. Со ова Скопје доби уште едно место на кое може да најде мебел и кујни за уредување на домовите. „АРТ Мебел“ е присутен во Скопје од минатата година, кога отвори својот прв салон во населбата „Бутел“. „Потрошувачите се задоволни од нашата разновидна понуда и забележавме дека еден салон не е доволен за да ги задоволи потребите на сите заинтересирани. Поради тоа решивме да се доближиме до сечиј дом, а тоа го постигнавме со отварањето на новиот салон на улица „Првомајска“ во кој ќе понудиме квалитетен мебел и кујни за сечиј вкус“, изјавија од менаџментот на АРТ Мебел. На минатогодишниот Саем за мебел за најдобри решенија освоија награда за вградливи кујнски елементи.