Ангел Ситновски избран за нов Претседател на Собрание на ААМ

Асоцијација на архитекти на Македонија – ААМ известува за вчерашните резултати од електронското гласање за избор на нов Претседател на Собрание на ААМ.

За нов Претседател е избран колегата, архитект Ангел Ситновски со 73% од вкупниот број на гласови, наспроти колегата архитект Јане Стојаноски со 27% од вкупниот број на гласови. Гласале вкупно 62% од активните членови на ААМ со право на глас.

Гласањето заврши во 15.00 часот во просториите на Комората на овластени архитекти и овластени инженери, пред присутните членови на ААМ во улога на комисија во следниот состав:

Искра Јанковска Михајловска, досегашен Претседател на Собрание на ААМ

Валентино Константиновски, Претседател на Управен одбор на ААМ

Ангел Ситновски, кандидат за Претседател на Собрание на ААМ

Јане Стојаноски, кандидат за Претседател на Собрание на ААМ

Проф. Александар Радевски, член на комисијата

Му честитаме на колегата Ангел Ситновски за новата позиција и му посакуваме успех во претстојниот ангажман во Собранието на ААМ.