3,2 милиони соларни панели опкружуваат нова зграда во турската пустина (ВИДЕО)

Во со сонце преплавената рамнина Карапинара во Турција, неодамна е завршена централната контролна зграда на енергетската компанија Kalyon Enerji според проект на оистанбулската архитектонска фирма Bilgin, симболизирајќи ја одржливата човечка инвентивност и колективната цел кон неутрална јаглеродна иднина.

Опкружена со огромно поле на соларни панели, оваа зграда е дефинитивно повеќе од обичен работен простор. На ниво на фасадата, структурата е обвиена со рефлектирачки панели од нерѓосувачки челик, а воедно визуелно се спојува со околината и се истакнува како одлична скулптура на спојот на земјата и небото.

Пустинска клима на оваа област претставувала предизвик и можност за тимот архитекти од Bilgin додека ја проектирале контролната зграда за Kalyon Enerji.

Новата структура сместена е во рамки на 20 квадратни километри подрачје воспоставено за собирање одржлива енергија, и е поставена на точно пропишано растојание од соларните панели со кои управува.

Оваа стратешка положба морала да се дефинира на начин за да се избегне засенување на панелите, а во исто време да се интегрира зградата во пејзажот.

Фасадата со висок сјај делува како огледала во опкружувањето, рефлектирајќи го бесконечното пространство на небото и околниот терен. На овој начин се создава визуелна хармонија која ги замаглува границите помеѓу зградата и околината.

3,2 милиони соларни панели во областа

Како што објаснија турските архитекти за Designboom, објектот е замислен како продолжение на 3,2 милиони соларни панели, сугерирајќи на спој на технологијата и природата.

Секундарниот слој на зградата од 7.200 панели од не’рѓосувачки челик, дизајниран со различни нивоа на транспарентност, делува како штит од силната сончева светлина за да се минимизира апсорпцијата на топлина.

Ова обезбедува оптимална употреба на енергија и создава динамична игра на светлина и сенка.

Рефлектирачката површина на објектот се менува во текот на денот, претворајќи се во платно со променливи нијанси. Во облачните денови, границата помеѓу зградата и небото се губи, а како што паѓа ноќта, фасадата целосно се трансформира и открива светли ентериери и централен двор.

Фасадата на дворот се гледа од фоајето

По влегувањето во зградата, посетителите ги пречекуваат пријатно уредени влезни простори каде постојано се губат границите меѓу внатрешноста и надворешноста.

Фасадата на дворот, видлива е од фоајето, служи како постојан потсетник на природниот свет надвор.

Цела низа меѓусебно поврзани простори, вклучувајќи кафетерија и повеќенаменска сала, пружаат жив простор за соработка и учење.

Во срцето на зградата има раскошен двор кој е украсен со автохтони растенија и нуди пријатна оаза за одмор од околната сурова клима.