Насловна / Архитектура / Зграда што ќе ја следи патеката на сонцето

Зграда што ќе ја следи патеката на сонцето

Во главниот град на Франција планирано е да се гради експериментална одржлива зграда. Таа има за цел да премости две различни социо-економски населби во близина на Париз. „ILOW“ е дизајниран од Карло Рати Асошиати (ЦРА) и Бујгес Имобилиер со параметарски пристап да личи на еден пар раширени раце. Ќе се наоѓа меѓу најголемата европска деловна област и станбените кули од повоениот период „Cloud Towers“.

zgrada

Оваа зграда со мешана употреба е именувана по шега на француски јазик за „мал остров“, што често се користи во фразата „остров на зеленилото“. Заоблената кула се состои од две крилја кои го врамуваат зелениот двор на средина. Овој двор е поврзан со соседниот јавен парк. На врвот на зградата, која зафаќа површина од 12.500 квадратни метри, ќе има луксузна кровна градина, додека на приземјето ќе има јавно достапни простори во форма на ресторани и кафулиња. Во рамките на зградата ќе има претежно деловни простории.

zgrada1

Соодветно на тоа, сместена е на местото на поврзување на два „различни света“, односно две социјално различни населби, оваа зграда ќе служи како „место“ што ги поврзува и премостува. Проектот ќе промовира средби меѓу различни луѓе, култури и социјални групи. Архитектурата овде игра значајна улога затоа што таа ќе ги комбинира разликите.

zgrada2

„ILOW“ ќе се карактеризира со енергетска ефикасност затоа што потрошувачката на енергија во зградата е минимизирана. Распоредот и големината на монтажните модули на фасадата се дизајнирани да го следат патот на сонцето со цел да обезбедат оптимална природна светлина во затворени простории и да ја минимизираат употребата на енергија. Сè уште не е познато кога ќе се реализира проектот, а во моментов се работи на добивање дозволи.

zgrada3

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top