Во Сибир ледено, температурите пониски и од – 60

Сибир бележи температури пониски и од – 60 степени Целзиусови.

Минатата недела температурата на воздухот во селото Жилинда во Јакутија падна на минус 61 Целзиусов степен, објавено е на веб-страницата на Одделението за хидрометеорологија во руската република на исток на Сибир.

На социјалните мрежи може да се најдат податоци и за тоа дека во некои делови на Јакутија се измерени и -64 степени.

Според метеоролозите, температурата во девет области на Јакутија е минус 45 степени, па и пониска, пренесува РИА Новости.

Во главниот град – Јакутск е минус 42 степени.