Во пет италијански региони прогласена вонредна состојба поради суша

Поради големата суша која ја погоди Италија, Советот на министри прогласи вонредна состојба во пет региони во оваа земја. Одлуката ќе остане на сила до 31-ви декември 2022 година, а на располагање се 36,5 милиони евра за прва помош и обнова на мрежната инфраструктура.

Со овој потег се регулира трошењето на средства и овластувањата, во врска со интервенциите и помошта за загрозеното население, како и враќање на функционалноста на јавните услуги и стратешката мрежна инфраструктура, работењето на конзорциумите за мелиорација и наводнување и сл. Во план е и донесување на законска регулатива за зајакување и адаптација на водната инфраструктура.