Во Германија отворен соларниот парк Witznitz, најголем во Европа

Само 22 месеци по почетокот на работите, инвестициската компанија Hansainvest Real Assets, дел од групацијата за осигурување и финансиски услуги Signal Iduna, свечено го пушти во погон соларниот парк Witznitz, со инсталиран капацитет од 605 MW. Проектот е развиен од страна на компанијата Move On Energy. Новата постројка е лоцирана во јужниот дел на Лајпциг, и веќе го надмина проектот на Iberdrola, Francisco Pizarro, кој досега го носеше епитетот „најголем во Европа“, со 533 MW. Новиот соларен парк во Германија се состои од десет целини и 1,1 милиони модули. Локацијата опфаќа над 500 хектари површина на која претходно постоел јагленокопот Witznitz 2, како и 150 хектари околно земјиште.

Shell Energy Europe потпишал договор за превземање на електричната енергија (PPA) која ќе ја обезбедува овој капацитет, а исто така потпишан е и договор со компанијата Microsoft. Во намера да го ублажат влијанието врз животната средина и да пружат одредени поволности за локалната заедница, инвестииторите изградиле велосипедски и пешачки патеки од 13 километри, посадиле жива ограда по границата на фотонапонскиот погон и пошумиле 13 хектари површина.