Насловна / Вести / Во ентериер во Сочи повторно актуелните 70-ти и минимализмот

Во ентериер во Сочи повторно актуелните 70-ти и минимализмот

Со исклучителните дизајнерски потези создаден е интригантен спој на повторно актуелните 70-тите и минимализмот во ентериерот на куќа во Сочи, на руското биро AM House Artem Babayants Architects.

3

Ентериерот на куќата од 250 квадратни метри е проектиран на две нивоа со акцент на отвореноста на просторот. Речиси секој агол од куќата нуди поглед на спротивниот. Воведувањето во просторот е преку делот за гардероба, кој што е многу видлив, но не го попречува протокот на комуникација ниту со својот изглед, ниту со положбата. Едноставни линии, избрани материјали, распоред на светлата, позиција и дизајн на влезната врата, едноставно – конкретно обликувани и апсолутно употребливи.

6

Поминувајќи покрај карактеристичните скали со стаклена ограда, просторот продолжува да се развива кон отворена кујна, трпезарија и дневна соба.

9

ВО ТОН НА ЖАД

Ентериерот на приземјето генерално зрачи со што помалку линии и бои. Што претставува своевиден авторски потпис на архитектонското биро.

Карактеристичен тон што одскокнува и ги акцентира внатрешните сегменти е тон на жад што може да се види на софите, на употребните предмети, па дури и на уметничките дела. Интересна е играта на светло и темнино, речиси ренесансна „chiaroscuro“ техника.

1

7

Покрај полната зелена боја и богатата земјена кафеава боја, која може да се види во кујната и другиот вграден мебел, може да се примети дека овој ентериер е всушност светол. Лесен и проѕирен со парчиња мебел чиј дизајн е карактеристичен за седумдесетите години на минатиот век.

5

4

Игра со дизајн од претходните епохи отсекогаш било интересно, а сега можеби и повеќе, бидејќи во овој случај, овој вид дизајн е навистина опиплив и близок. Облите линии на мебелот за седење во дневната соба, смирени се со едноставните линии на мебелот на „ТВ ѕидот“. Богатството од вени на каменот повторно го смирува материјал како што е Corian и му дава нова нота на просторот што едноставно освежува. Кујната е апсолутно минималистичка, вклучувајќи ги и материјалите и самото решение. Организацијата на просторот на кујнскиот остров значи директно поврзување на модерниот живот и чувството на враќање на старите навики – дека семејството секогаш се собира околу огништето.

10

Иако е преградена, на дневната соба се надоврзува работна соба и библиотека. Чувството на интимност постои, но не недостига ниту поврзаност, бидејќи просторот и светлината на дневната соба продираат во овој сегмент од објектот. Ротирачките линеарни панели повторно прават игра на светлината и темнината и продирање на просторот еден во друг.

02

Едноставноста на линиите кои се среќаваат во ентериерот ја „вознемирува“ само текстурата на дрво, која освен на вградениот фурниран мебел, може да се најде и почувствува во текстурата на паркетот.

20

8

2

ВО ТОН НА ТЕРАКОТА

Ако приземјето е природа, основа зелена боја на жад, првиот кат е теракота. Боја на тули и кров. Врвот на секој објект. На првиот кат, приказната за дизајнот од 1970-тите продолжува во ново руво.

Катот се состои од неколку сегменти и јасно е дека претставува неколку посебни зони за одмор. Тоновите се сè уште намалени, овој пат повеќе топли отколку ладни, бидејќи имаат елементи на теракота.

33

00

ИГРА НА СВЕТЛИНА И СЕНКА

Карактеристиките на овој кат не се само во различното искористување на просторот, туку и во различната динамика на користење на материјалите. Додека во приземјето има цврсти материјали, овде акцентот е повеќе на перфорираност на истите тие материјали.

13

Истиот мотив се повторува и при преминот од спалната во работната соба, додека вертикални прегради, слични на вертикални дрвени брисолеи, поставени се во работниот простор и неговата бања.

Во главната бања, гледаме дека захтевен материјал како што е камен, добил доволна количина на природна светлина што му дава на просторот способност да дише. Богатството на ова решение за бања е во неговата едноставност, изборот на материјали, обликот на кадата, мијалниците, славините и нивната меѓусебна „соработка“.

17

16

Сите потези во проектирањето на овој ентериер со шаховски јазик, внимателно се одбрани и очигледно резултат на добра соработка помеѓу клиентот и архитектот, бидејќи едното не може да функционира без другото.

03 44

55 0

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top