Во Дубаи претставенa е супер јахтата Esquel

Холандската компанија Oceanco, на Саемот за наутика во Дубаи ја претстави својата нова супер јахта Esquel. Се работи за јахта долга 105 метри, со дизел-електричен погон која го добила своето име по метеорит, и која според својот излгед и луксуз претендира да се најде во филмовите за Џемс Бонд. Дометот на јахтата изнесува 7000 наутички милји. Содржи нуркачка опрема, offroad возила, скутери, хеликоптери и две подморници. Дел од главната палуба е затворен базен. Но, оваа јахта не е наменета само за забава, бидејќи може да стане платформа за бројни научни студии како на пример од областа на коралната агрикултура. Цената за оваа јахта сеуште не е објавена.