Во Будва се одржа Регионална конференција за енергетика

На 6 и 7 септември во Будва се одржа Регионална конференција за енергетика, на која присуствуваа учесници од осум земји на Западен Балкан, експерти од областа на енергетиката, претставници од ресорните министерства како и енергетски компании.

Конференцијата ја отвори претседателот на Собранието на Црна Гора, кој истакна дека земјите од регионот во што пократок рок мора да се усогласат со директивите на ЕУ. Притоа, тој подвлече дека е особено важно посериозно искористување на потенцијалот од обновливите извори на енергија, со цел развивање на енергетската стабилност. Во рамките на конференцијата се одржани панели во врска со третиот енергетски пакет, Договорот за енергетска заедница, како и за вложувањата во енергетиката.