Иновативен архитектонски концепт за електрична централа

Холандскиот архитект Ерик Ван Егерат неодамна го претстави своето најново остварување. Се работи за новата електрана – топлана во Данска, која генерира енергија од отпад. Освен што произведува електрична и топлинска енергија со спалување на отпад, овој објект е карактеристичен по својата уникатна перфорирана двослојна фасада која свети во текот на ноќта. Единствената фасада на објектот е направена од два различни слоја – климатска бариера и надворешен слој од перфориран алуминиум. „Во текот на ноќта перфорираната фасада ја трансформира централата во нежно осветлен светилник“, објаснува архитектот. Централата се снабдува со гориво односно смет од девет локални општини.