Во австрискиот Институт за технологија развиваат батерија без литиум

Австрискиот Институт за технологија (AIT) во Виена, добил од ЕУ голем истражувачки проект за производство на батерии од рециклирани материјали кои не содржат „проблематични“ суровини како литиум, никел и кобалт. На овој проект работат 35 стручњаци.

За новата батерија ќе се преработуваат стари акумулатори, кои во моментот се рециклираат само 40%, а ќе се експериментира и со алтернативни суровини. Предвиденото времетраење на проектот е три години. Според оценката на стручњаците, станува збор за отворен и ветувачки пат кон „зелена батерија“. ЕУ го финансира проектот со еден милион евра.