Порта3 – градежништво, архитектура и екологија Порта3 – градежништво, архитектура и екологија
Паралелно со претставувањето на новата генерација на BMW Серијата 7, која и натаму ќе биде погонувана од мотори со внатрешно согорување, под светлата на рефлекторите ќе стигне и првата “седумка“ погонувана само од електромотори. Во очи на премиерата планирана за април во Минхен, сеуште се молчи за техничките детали на електричниот модел, но познато е дека i7 ќе биде најмоќната верзија на Серијата 7, што значи дека електромоторите ќе генерираат поголема моќност од онаа на 6,6 литарскиот V12 мотор кај BMW M760i (G12).
Иако сеуште не е официјално потврдено, речиси е извесно дека луксузното BMW i7 кое е базирано на CLAR платформата, ќе има исти батерии и погонска група со електричниот SUV iX M60, a капацитетот на батериите ќе овозможува домет од најмалку 600 km. После априлската премиера, книгата на нарачки ќе биде отворена во втората половина од годината.
