Виенскиот аеродром отвора канцелариски простор за „Брегзит бегалци“

Виенскиот аеродром ќе инвестира над 50 милиони евра во модерен канцелариски комплекс со повеќе од 20.000 квадратни метри. Комплексот „Офис Парк 4“ треба да биде отворен на почетокот на 2020 година, а неговата изградба се очекува да придонесе за зголемена активност на целото опкружување на аеродрoмот.

Целна група за сместување во овој комплекс не се само локалните фирми, туку и меѓународните компании, а посебно т.н. „Брегзит бегалци“, кои виенскиот аеродром се обидува да ги привлече со својата положба во срцето на Европа.